Imos Presentar O Tesouro en A Coruña

O próximo xoves 27 de abril subimos ao Norte para presentar O Tesouro Espeleolóxico galego na Coruña.

Contamos, desta volta, coa compaña do noso admirado Felipe Senén, con quen compartimos moitas das nosas inquedanzas, pero de quen destacamos, a súa traxectoria pola compilación, mostra e divulgación da nosa cultura, en todos os aspectos posibles. Destacamos nesta labor a súa participación na Asociación de Amigos dos Museos, marabillosos espazos cheos tamén de tesouros.